Ahmad Faraz Ghazal Urdu poetry sad  + Sad Poetry About Love

Suna hai raat ko jugnu Thahar ke dekhte hain

suna hai hashr hain us ki ghazal si aankhen

Suna hai us ko hiran dasht bhar ke dekhte hain

suna hai raat se baDh kar hain kakulen us ki

urdu poetry sad

Suna hai sham ko sae guzar ke dekhte hain

suna hai us ki siyah-chashmagi qayamat hai

So us ko surma-farosh aah bhar ke dekhte hain

suna hai us ke labon se gulab jalte hain

So hum bahaar pe ilzam dhar ke dekhte hain

suna hai aaina timsal hai jabin us ki

jo sada dil hain use ban-sanwar ke dekhte hain

suna hai jab se hamail hain us ki gardan mein

urdu poetry sad

mizaj aur hi lal o guhar ke dekhte hain

suna hai chashm-e-tasawwur se dasht-e-imkan mein

palang zawiye us ki kamar ke dekhte hain

suna hai us ke badan ki tarash aisi hai

ki phul apni qabaen katar ke dekhte hain

wo sarw-qad hai magar be-gul-e-murad nahin

ki us shajar pe shagufe samar ke dekhte hain

bas ek nigah se luTta hai qafila dil ka

chale to us ko zamane Thahar ke dekhte hain

kise nasib ki be-pairahan use dekhe

urdu poetry sad

kabhi kabhi dar o diwar ghar ke dekhte hain

kahaniyan hi sahi sab mubaalghe hi sahi

agar wo KHwab hai tabir kar ke dekhte hain

ab us ke shahr mein Thahren ki kuch kar jaen

'faraaz' aao sitare safar ke dekhte hain

urdu poetry sad