Mohabbat Ghazal Shayari- Dushmani Ho Ya Mohabbat

Safar Mein Apnay Hissay Ki Musafat Yaad Rehti Hay,

Kahin Aabad Honay Par B Hijrat Yaad Rehti Hay!

Wo Chahay Dosti Ho Dushmani Ho Ya Mohabbat Ho,

Yahan Har Haal Mein Apni Zaroorat Yaad Rehti Hay!

Kisi Sehra Ko Pyasa Chhor Jata Hay Kabhi Dariya,

Kabhi Pyasay Ko Dariya Ki Sakhawat Yaad Rehti Hay!

Ye Sach Hay Pyar Pehla Hi Basa Rehta Hay Saanson Mein,

Ye Sach Hay Umar Bhar Pehli Mohabbat Yaad Rehti Hay